လုပ်ဆောင်ချက်များ

"ကမ္ဘောဇအနာဂတ်အလင်းတန်း မြန်မာဖောင်ဒေးရှင်း" ၏ အဓိကရည်မှန်းချက်မှာ ဖွံ့ဖြိုးမှုနည်းပါးသော လူမှုဝန်းကျင်မှ ဆင်းရဲနွမ်းပါးသည့် ပြည်သူများ၏ ဘဝများအား မြှင့်တင်နိုင်ရန်အတွက်ဖြစ်ပြီး၊လူမှုရေးအကျိုးပြုလုပ်ငန်းများအား ရေရှည်ဆောင်ရွက်နိုင်ရန် ရည်ရွယ်၍၊ လုပ်ငန်းစဉ် (၅)ရပ် စနစ်တကျချမှတ်ပြီး ဖွဲ့စည်းခဲ့ပါသည်။

ထို့ကြောင့် ကမ္ဘောဇအနာဂတ် အလင်းတန်းမြန်မာဖောင်ဒေးရှင်း၏ Water Project စီမံကိန်းကြီးသည် အမေရိကန် ဒေါ်လာ (၇.၂) မီလီယံကျော် အကုန်အကျခံပြီး ရှမ်းပြည်နယ်တောင်ပိုင်းနှင့် မြောက်ပိုင်း၊ ကယားပြည်နယ်၊ မန္တလေးဒေသကြီးနှင့် နေပြည်တော်မြို့များရှိ မြို့ရွာများတွင် စက်ရေတွင်းများ တူးဖော်ပေးခဲ့ကာ ရေကောင်းရေသန့်များ ဖြန့်ဝေပေးနိုင်ခဲ့သည်။

"ကမ္ဘောဇအနာဂတ်အလင်းတန်းမြန်မာဖောင်ဒေးရှင်းဟာ မြန်မာနိုင်ငံဒေသအနှံအပြား ရေဘေးသင့်ချိန်၊ ရေဘေးသင့် ပြည်သူများအတွက် ကူညီကယ်ဆယ်ရေးနဲ့ ပြန်လည်နေရာချထားရေး ကိစ္စရပ်များမှာ လိုအပ်သမျှ ပါဝင်လှူဒါန်းယုံမျှမက၊ ကိုယ်တိုင်ကိုယ်ကျ ကူညီဆောင်ရွက်ပေးလျှက်ရှိပါတယ်"

ကမ္ဘောဇအနာဂတ်အလင်းတန်းမြန်မာဖောင်ဒေးရှင်းသည်၂၀၁၃ ခုနှစ်တွင် ဘဏ္ဍာရေးနှင့်အခွန်ဝန်ကြီးဋ္ဌာန၊ အသေးစားငွေရေးကြေးရေးကြီးကြပ်မှုကော်မတီ၏ ခွင့်ပြုချက်ဖြင့် အခြေခံလူတန်းစားများ၏ ဘဝမြင့်မားလာစေရန်နှင့် ဆင်းရဲမှုပပျောက်စေရန် ရည်ရွယ်၍ ရန်ကုန်တိုင်းဒေသကြီးရှိ လှည်းကူးမြို့၊ တိုက်ကြီးမြို့နှင့် ဥက္ကံမြို့ရှိ အမျိုးသမီးဦးရေ (၁၂၀၀၀) ကျော်အတွက် အသေးစားငွေရေးကြေးရေးလုပ်ငန်း (Microfinance) ကို ဆောင်ရွက်ပေးခဲ့ပါသည်။ 

သဘာဝပတ်ဝန်းကျင်ထိန်းသိမ်းရေးနှင့် ပတ်သက်ပြီး၊ ပတ်ဝန်းကျင်စိမ်းလန်း စိုပြည်စေရေးအတွက် "အနာဂတ်အလင်းတန်းမြန်မာဖောင်ဒေးရှင်း" မှ ဦးဆောင်၍ ကမ္ဘောဇဘဏ်နှင့် ကမ္ဘောဇအုပ်စုမှ ဝန်ထမ်းများသည် အားလပ်ချိန်များတွင် အတူတကွ သစ်ပင်စိုက်ပျိုးခြင်းနှင့် ပင်လယ်ကမ်းခြေသန့်ရှင်းရေးအတွက် လှုပ်ရှားမှုများကို စုပေါင်းဆောင်ရွက်ကြပါသည်။

"ပညာမြင့်မှ လူမျိုးတင့်မည် ပညာရဲရင့်ပွဲလယ်တင်မည်" ဆိုသော ဆောင်ပုဒ်အတိုင်း ကမ္ဘောဇ ဘဏ်သည် ဝန်ထမ်းများအား အဆင့်မြင့်ပညာများ သင်ကြားနိုင်စေရန်အတွက် သင်တန်းများစွာ ပို့ချပေးလျှက် ရှိပါသည်။

ကမ္ဘောဇအနာဂတ်အလင်းတန်းမြန်မာဖောင်ဒေးရှင်းမှ  နိုဝင်ဘာလ ၆ ရက်၊ ၁၁ရက်၊ ၂၀ ရက်နှင့် ၂၇ ရက်နေ့များတွင် ရန်ကုန်မြို့နှင့် မန္တလေးမြိ့တို့၌ သွေးလှူဒါန်းပွဲကြီး ကျင်းပခြင်း။